قالوا تحبه قلت والي خلقني ..!!

" قالـوا تحبـه قلـت والـي خلقنـي
حبه سكن في داخل القلـب والعيـن

هـذاك بسلوبـه وطبـعـه فتـنـي
انا اشهد انه كامل الوصف والزيـن

هـذاك بعيونـه ورمشـه ذبحـنـي
ذبح الولايف مثـل ذبـح السكاكيـن

نظرت عيونه فـي عيونـي شفنـي
مثل القرايه فـوق روس المجانيـن

افقـد حياتـي كـل ماصـدٌ عنـي
كنٌي فقدت مـن الخلايـق عزيزيـن

هذا الحبيب الـي بعطفـه غمرنـي
عطف وحنان في ساعة العسر واللين

أنا اشهـد انـه بالمحبـه أسرنـي
واصبحت في حكم الجناه المساجيـن

من حقي اكتب لك قصايـد واغنـي
واغنٌـي اشعـاري علـى ماتحبيـن

لو جيت ابوصف شكلها الي سحرني
العين بس تحتاج خمسـة دواويـن

لو كنت بحسبها على حسـب ظنـي
يمكـن نوصلهـا ثلاثـة مـلايـن

من لامني فـي حبهـا الـي قتلنـي
مـاذاق فالدنيـا غـرام المحبـيـن

والي نصحتـه بالمحبـه نصحنـي
من بعـد ماجـرٌب حنـان المزايـن

فيـه الستـر والعافيـه والتهـنـي
وفيها كمال العقل والـروح والديـن

لو كـل واحـد بالنصحـه سمعنـي
توقـع الانـس وتطيـر الشياطيـن